வாடகைத் தாய் மூலம் குழந்தை பெற்ற நடிகை லட்சுமி மஞ்சு!

ரஜினிகாந்தின் நெருங்கிய நண்பரும், தெலுங்குத் திரையுலகின் பிரபல தயாரிப்பாளரும், நடிகருமான மோகன் பாபுவின் மகள் லட்சுமி மஞ்சு. 2 முறை திருமணமாகி விவாகரத்து பெற்ற இவர் தெலுங்கில் பல படங்களில் நடித்துள்ளார். மணிரத்னம் இயக்கத்தில் வெளியான, 'கடல்' படத்திலும், முக்கியமான வேடத்தில் நடித்துள்ளார்.

தற்போது தெலுங்கு சின்னத்திரையிலும் மிகவும் பிரபலம். இந்நிலையில் லட்சுமி மஞ்சு சமீபத்தில் வாடகைத் தாய் மூலம் குழந்தை ஒன்றை பெற்றிருக்கிறார். நடிகர் மோகன் பாபு அவருடைய மகள் லட்சுமி மஞ்சு வாடகைத் தாய் மூலம் குழந்தை பெற்றிருப்பதை டுவிட்டரில் உறுதிப்படுத்தியுள்ளார்.

மேலும் இது தன்னுடைய வாழ்க்கையில் மிகவும் மகிழ்ச்சியான விஷயம் என்றும் அதில் கூறியுள்ளார். அவர்களுக்கு தெலுங்குத் திரையுலக பிரபலங்கள் வாழ்த்துகளைத் தெரிவித்து வருகின்றனர். இதற்கு முன்பு நடிகர்கள் ஷாரூக் கான், ஆமீர் கான் ஆகியோர் வாடகைத் தாய் மூலம் குழந்தையை பெற்றெடுத்துள்ளனர். அவர்களைத் தொடர்ந்து தற்போது நடிகை லட்சுமி மஞ்சுவும் இந்தப் பட்டியலில் இணைந்துள்ளார் என்பது குறிப்பிடத்தக்கது.